Dost Kya Khoob Wafaon Ka Sila Dete Hain

دوست کیا خوب وفاؤں کا صلہ دیتے ہیں

ہر نئے موڑپر اک زخم نیا دیتے ہیں

تم سے توخیر گھڑی بھر کی ملاقات تھی

لوگ برسوں کی رفاقت کو بُھلا دیتے ہیں

کیسے ممکن ہے کہ دھواں بھی نہ ہو اور دل بھی جلے

چوٹ لگتی ہے تو پتھر بھی سدا دیتے ہیں

کون ہوتا ہے مصیبت میں کسی کا اے صنم

آگ لگتی ہے تو پتے بھی ہوا دیتے ہیں

جن پہ ہوتا ہے بہت دل کا بھروسہ جانے کیوں

وقت پڑنے پہ وہی لوگ دغا دیتے ہیں