Mere Aansoo Mere Andar Girte Hain

 

میرے آنسوں میرے اندر گرتے  ہیں

جیسے دریا بیچ سمندر گرتے ہیں

 

تیری یادیں وہ طوفان اٹھاتی ہیں

اک اک کرکے سارے منظر گرتے ہیں

 

کتنی لہریں شعروں میں ڈھل جاتی ہیں

سوچ کے پانی میں جب پتھر گرتے ہیں

 

ہم نے ٹھوکر کھا کر چلنا سیکھا ہے

اور ہیں وہ جو ٹھوکر کھا کر گرتے ہیں

 

رونے والے یہ تجھ کو معلوم نہیں

تیرے آنسوں میرے دل پر گرتے ہیں

 

تم بس اس کا روگ لگا کر بیٹھے ہو

سپنوں کہ یہ گھر تو اکثر گرتے ہیں

کاٹ رہا ہے کوئی آنکھوں میں

تکیے پر یہ خواب جو شب بھرگرتے ہیں